Психологиялық-педагогикалық білімнің үлкен өмірлік және жалпы мәдени маңызы бар. Өзінің өзекті және әлеуетті мүмкіндіктерін білу, өзінің артықшылықтары мен кемшіліктерін бағалай білу, өзін-өзі түсіну қабілеті адамның жеке тұлға, кәсіпқой ретінде қаншалықты дәрежеде болатындығын, кәсіби қызметті өздігінен «құра» алатындығын анықтайды. 

Практикалық психология және педагогика саласындағы заманауи ғалымдардың пікірінше, психологиялық-педагогикалық білім адамдарды түсінуге, қарым-қатынас жасауға, кез-келген жағдайға тез бейімделуге, әрқашан өзіне және басқаларға көмектесуге, проблемалар мен стресстерге төзімді болуға, жеке даму перспективаларын түсінуге, басшы функцияларын орындай алуға мүмкіндік беру, тұрақты өзін-өзі оқыту, ақылға қонымды тәуекелге дайындық, креативтілік пен іскерлікті, жоғары бәсекеге қабілетті ортада жұмыс істеуге дайындықты қалыптастырады. 

Бұл құралда педагогикалық психология курсының оқу бағдарламасының бөлімдері ұсынылған: дәріс тақырыптарының қысқаша мазмұны, семинар сабақтарының мазмұны, оқылған тақырыптарға арналған ақпараттық материалдар, тест түріндегі тапсырмалар. 

Ерекшеленген бөлімдер оқыту психологиясының, педагогикалық іс-әрекет психологиясының және мұғалімнің жеке басының бастапқы ұғымдарының мәні мен мазмұнын ашумен байланысты, қазіргі заманғы педагогика мен психологияның маңызды және өзекті бағыттарының бірі – Метатануға арналған материалдарды қамтиды. Метатанудық негізгі бағыттарының тұтас және жүйелі сипаттамасы – оның осы бағыттағы зерттеу пәнінің ерекшелігі мен мазмұны; метатанудың негізгі жалпы психологиялық категориялармен байланысы; рефлексия мен жалпы қабілеттердің маңызды психологиялық-педагогикалық мәселелерін дамытудағы метатанудың рөлі; метатанудың оқыту теориясы мен практикасын дамытуға қосқан үлесі; метатанудың психикалық процестер мен жеке тұлғаның қасиеттерді зерттеумен байланысы. 

Курстың мазмұндық бағыты «Білім» мамандықтары бакалаврларының кәсіби құзыреттеріне бағдарлануы курстың барлық бөлімдерінде, әсіресе оқыту мәселелері, тұлғаны қалыптастырудың психологиялық механизмдері, білім беру технологияларының психологиялық аспектілері қарастырылатын тақырыптарда айқын көрсетілген. 

Сондай-ақ, оқу құралы «Білім» мамандықтарының студенттеріне кәсіби қызмет аясында педагогикалық психология курсын игеруге, педагогикалық психологияның негізгі ұғымдарын игеруге және оларды педагогикалық жағдайлар мен жеке педагогикалық іс-әрекеттерді талдау үшін қолдана білуге, әртүрлі білім беру жүйелерінде оқыту мен тәрбиелеуді ұйымдастыруды талдауды сауатты жүзеге асыруға мүмкіндік береді. Электрондық құралдың мақсаты – жеке тұлғаны дамытудағы оқыту мен тәрбиелеудің қазіргі рөлі, оқыту мен тәрбиелеу процесінде тұлғаның қалыптасу механизмдері мен шарттары туралы, оқыту мен тәрбиелеудің заманауи әдістерінің әртүрлілігі және педагогикалық өзара әрекеттесу әдістері туралы түсінік беру. 

Студенттердің практикалық жұмысы үшін әр түрлі психологиялық-педагогикалық тапсырмалар, глоссарий ұсынылды. 

Электрондық құралда ұсынылған материалда «Педагогикалық психология» курсын сапалы меңгеру үшін қажетті барлық ақпарат бар. Мұндай құрылымдық-ақпараттық тәсіл кез-келген құрылымның оқу-әдістемелік кешенін жасау кезінде осы құралды қолдануға мүмкіндік береді. Құрал болашақ мұғалімдерге арналған, сонымен қатар жалпы білім беретін мектептер мен кәсіптік-педагогикалық мекемелердің оқытушыларына қызығушылық тудырады.