Қаратау кейде қарлы, кейде қарсыз,
Ер жігіт кейде малды, кейде малсыз.
Дарияның жарға соққан толқынындай,
Көз салған көрінгенге көңіл арсыз!

Қайырмасы:
Әндір-әндір, әндір-ай!
Ішімді оттай жандырды-ай!
Ғашық болған Сұрша қыз,
Көкшетауда қалдың-ай!
Ай,Сұрша қыз,
Енді есен бол-ай!

Неше жыл жүрсем дағы мен айдауда,
Шыдаймын, қажымаймын денім сауда.
Дәм жазып осы жолдан аман қайтсам,
Сұрша қыз, көрісерміз Баян тауда.
Қайырмасы.